五個一定要知的職場e-mail守則！【轉載】

yukokcho

此文很值得同大家一起讀：
    相信好多人返到office，第一時間一定係check吓公司e-mail個inbox，有時放完假返去可能仲會有N封unread嘅e-mail等住要處理。喺工作上，電郵實在係非常重要嘅工具，而亂咁send e-mail、覆錯嘢嘅話，好有可能會影響同事同上司對你嘅印象，咁究竟有咩要特別注意？

禮貌回覆
    所有工作上嘅電郵，最好即日之內回覆，以免令人覺你做嘢無效率。有時同事出個e-mail要你做嘢或者通知你某啲嘢，你可能覺得只要執行咗就ok，無必要回覆，但簡單覆一句「Noted with thanks.」都好重要（尤其是上司send出嚟嘅e-mail），可以俾人你有交帶嘅印象，亦可以避免人哋要再追問你有無收到咁麻煩。

保留發送紀錄
    唔好以為電郵send咗俾人就搞掂，自己個sent box可以隨時清理。職場上點都要保護自己，萬一對口同事反口話無收過你通知，你嘅傳送紀錄會係一個好證據。

別作私人用途
    好多人貪方便用公司e-mail account處理私人嘢，呢個絕對係職場大忌 ！無論係大公司定細公司，內部一定有辦法check到你嘅e-mail紀錄，有聽聞過部分公司真係會「監控」員工嘅電郵。雖則呢樣嘢未必發生喺你身上，但公事同私事，都係分清楚啲好。

重要事要cc相關人士
    發送電郵一定係善用To同Cc功能，一啲重要事，為咗保護自己，除咗to直接同呢件有關嘅同事之外，亦應該cc （抄送）俾大家嘅直屬上司和其他同事，等大家都知道件事，亦可以俾到「無形壓力」對方要處理好件事。不過，要切記唔好係又cc唔係又cc，芝麻綠豆小事都cc晒俾全村人，大家只會覺得你煩同奇怪。

善用bcc
    有時工作上需要send mass e-mail俾唔同嘅客，千祈唔好將全世界嘅e-mail address都放喺to嗰欄！筆者久不久都會收到呢類e-mail，因為全部人都會睇到邊個有份收到呢封電郵，感覺好似俾人洩露咗私隱咁，亦會覺得唔太尊重。Send呢類e-mail嘅時候應該善用bcc（密件抄送）嘅功能。當然，如果係重要嘅客戶，個別send e-mail俾佢哋會顯得更加尊重同有禮貌。

如梦令

Noted with thanks

如梦令

邮件出事好大镬，撤都嚟唔切

LiDeJi

yukokcho 发表于 2013-8-29 09:59
此文很值得同大家一起讀：
    相信好多人返到office，第一時間一定係check吓公司e-mail個inbox，有時放完 ...

美人鱼教会上班的后生仔好多宝贵知识。

如梦令

LiDeJi 发表于 2013-8-29 10:16
美人鱼教会上班的后生仔好多宝贵知识。

我唔后生我都学到好多知识，以后群发邮件时采用“加密抄送”

老杨

谢谢美人鱼！
我将你这帖转发公司同事。

yukokcho

老杨 发表于 2013-8-29 12:15
谢谢美人鱼！
我将你这帖转发公司同事。

有共鳴的分享太幸福了，謝謝大家。

老杨

回复 yukokcho 的帖子

哈哈！
公司同事说谢谢你美人鱼！

依慈

yukokcho 发表于 2013-8-29 09:59
此文很值得同大家一起讀：
    相信好多人返到office，第一時間一定係check吓公司e-mail個inbox，有時放完 ...

金石良言,仿如灯塔,人人做妥,长年无忧.

yukokcho

老杨 发表于 2013-8-29 12:23
回复 yukokcho 的帖子

哈哈！

麻煩楊大哥代我鍚佢一啖！

老杨

回复 yukokcho 的帖子

哗！！10多个靓女啵。。

yukokcho

老杨 发表于 2013-8-29 12:53
回复 yukokcho 的帖子

哗！！10多个靓女啵。。

2013-8-29 12:55 上传

下载附件 (116.99 KB)

yukokcho

依慈 发表于 2013-8-29 12:48
金石良言,仿如灯塔,人人做妥,长年无忧.

2013-8-29 13:12 上传

下载附件 (36.55 KB)

依慈

yukokcho 发表于 2013-8-29 13:10

姐姐,靓人靓表眼前一亮,我正在咬马蹄,浑身来劲了.