快乐的童谣

橡草

62桃李 发表于 2012-1-15 21:02
上世纪五十年代初广州嘅细路仔都知道香港嘅五仙银仔叫“斗零”，因为四十年代后期国民党发行的“湿柴”要 ...

猪头丙、扮老死、其实唔值个斗拧、以为佢好醒、原来係个猪头丙、

我是說，以上是廣州童謠嗎？

fei

人说某人“支肾”（小气、斤斤计较）可能出自这里的数量表达法：“ 在广州街市的“之辰代码”中，分别以“之”(1)、“辰”(2)、“斗”(3)、“马”(4)、“苏”(5)、“零”(6)、“候”(7)、“装”(8)、“弯”(9)来代表数字1至9，斗零即重量单位3分6厘”（见上26楼贴）

“之”和“辰”代表的都是较小的数额，较小的数都计较所以称之为“支肾”，同意吗？

pou90

回复 橡草 的帖子

誰不想返老還童，纵使給你返老還童，那又如何，毕竟年代不同了，孩童時的快樂還是留在回憶裏好，回憶永遠是美好的。

62桃李

橡草 发表于 2012-1-15 22:22
猪头丙、扮老死、其实唔值个斗拧、以为佢好醒、原来係个猪头丙、

我是說，以上是廣州童謠嗎？

如假包换的广州童謠。


链接：

广州地道童谣_百度文库

橡草

62桃李 发表于 2012-1-16 08:15
如假包换的广州童謠。

好过引！

黑衣

从网上转几只广东话童谣，都几得意噶：
[转]曾幾何時，我哋都係伴随住通俗易懂、幽默詼諧嘅童謠，連同簡單嘅遊戲，度過咗快樂嘅童年。時光飛逝，随住「普通話從幼兒園開始普及」嘅大潮，呢啲樸素親切嘅童謠隨住我哋遠去嘅童年記憶而消逝，已經畀現代忙碌嘅生活同埋鋪天蓋地嘅普語大潮所覆蓋。以下精選一啲粵語童謠，使時光倒流，各位可以藉此重溫自己童年快樂嘅時光。

年卅晚，買檳榔
         月光光，照地堂，年卅晚，買檳榔，
         檳榔香，買紫薑，紫薑辣，買芙薘，
         芙薘苦，買豬肚，豬肚肥，買牛皮，
         牛皮薄，買菱角，菱角尖，買馬鞭，
         馬鞭長，買屋樑，屋樑高，買把刀，
         刀切菜，買鑊蓋，鑊蓋圓，買條船，
         船頭高，船尾矮，浸死兩個番鬼仔，
         一個浮頭，一個浸底。
       鷄公仔
         鷄公仔，尾彎彎，做人新婦甚艱難！
         早早起身都話晏，眼淚唔乾入下間，
         下間有個冬瓜仔，問安人老爺煮定蒸，
         安人又話煮，老爺又話蒸，
         蒸蒸煮煮唔中安人老爺意，
         大把拉鹽又話淡，手甲挑鹽又話鹹，
         三朝打爛三條夾木棍，四朝跪爛四條裙！
         咁好花裙畀你跪爛，咁好石頭畀你跪崩！
         橫又難，直又難，
         不如捨命落陰間！
         人話陰間條路好，我話陰間條路好艱難！

姑丈擔櫈
         姑丈擔櫈孩兒坐，孩兒坐落就劏隻鷄。
         鷄會在門前喔喔啼，不如劏隻鴨；
         鴨又嫌鴨毛多，不如劏隻鵝；
         鵝又嫌鵝頸長，不如劏隻羊；
         羊又嫌羊腳叉，不如劏隻馬；
         馬又會送加出步頭，不如劏隻牛；
         牛會耕田養人口，不如劏隻狗；
         狗會東西方有人嚟都知，不如劏隻大貓兒；
         貓兒又會捉老鼠，不如劏隻大肥豬；
         肥豬食主人三斗祿，主人食佢三塊肥豬肉。
     月光光
         月光光，照地堂，蝦仔你乖乖瞓落牀。
         聽朝亞媽要趕插秧咯，亞爺看牛要上山坡，
         哦哦哦……
         蝦仔你快高長大咯，幫手亞爺去看牛羊，
         哦哦哦……
         月光光，照地堂，蝦仔你乖乖瞓落牀。
         聽朝亞媽要捕魚蝦咯，亞嫲織網要織到天光，
         哦哦哦……
         蝦仔你快高長大咯，撐艇撒網就更在行，
         哦哦哦……
         月光光，照地堂，蝦仔你乖乖瞓落牀。
打開蚊帳
         打開蚊帳，打開蚊帳，
         有隻蚊，有隻蚊，
         快啲攞把扇嚟，
         快啲攞把扇嚟，
         撥走佢，撥走佢。
     打大書包
         打大書包，打大書包，
         有隻豬，有隻豬，
         快啲攞支針嚟，
         快啲攞支針嚟，
         拮死佢，拮死佢。

麻雀仔
         麻雀仔, 擔竹枝，擔上枝頭望亞姨：
         亞姨梳隻玲瓏髻，摘朵紅花伴髻圍。
         袢帶又長腳又細，咁好花鞋踩落泥，
         咁好白飯喂隻貓貓仔，
         咁好姑娘嫁個爛賭仔。
       椰子夾酸薑
         氹氹紫薑，椰子夾酸薑，
         鷄蛋煲茶十五樣，
         又擔旗又擔桿，
         紅毛火水醃完薑，
         醃完一件又一件。

咬蔗鬚
         咬蔗鬚，要睇毛，
         短毛輸，長毛贏，冇毛唔算數。
       鬥柑
         搣開柑，數柑核，
         邊個核多就邊個贏，唔准手賴就噉縮骨。

勾鼻佬
         勾鼻佬，正死仔，
         一入廣東亂咁嚟，殺人放火以爲威。
         點不知，有嘢睇，遇着陳棠就飛石仔，
         打到佢爬喺地下要食泥。
       執到兩分錢
         執到兩分錢，留返過年，
         過年有嘢食，留畀毛主席，
         主席話我乖，帶我出街，
         執到一張紙，寫住大地主。

點蟲蟲
         點蟲蟲，蟲蟲飛，飛到荔枝基。
         荔枝熟，摘滿屋，
         屋滿紅，陪住個細蚊公。
       落雨大
         落雨大，水浸街，
         亞哥擔柴上街賣，亞妹出街着花鞋，
         花鞋花襪花腰帶，珍珠蝴蝶兩邊排，
         有錢打對鈴琳鼓，冇錢打個石榴牌。
拍大髀
         拍大髀，唱山歌，
         人人話我冇老婆，扚起心肝娶返個，
         有錢娶個嬌嬌女，冇錢娶個豆皮婆。
         豆皮婆，食飯食得多，屙屎屙兩籮，
         屙尿沖大海，屙屁打銅鑼。
       氹氹轉
         氹氹轉，菊花圓，炒米餅，糯米糰。
         亞媽叫我睇龍船，我唔睇，睇鷄仔，
         鷄仔大，攞去賣，
         賣得幾多錢？賣得三百六十五個仙。
董存瑞
         董存瑞，十八歲，爲國犧牲炸堡壘，
         炸到堡壘咯咯脆，全國人民流眼淚。
         美國出個霹靂彈，朝鮮出個垃圾篸，
         剷剷剷，剷到飛機落炸彈。
        猜呈沉
         呈沉剪，呈沉包，呈沉糯米叉燒包。
         老鼠唔食香口膠，要食豆沙包。
撈魚仔
         花手巾，眞引人，基邊撈魚好過癮，
         一兜一條好手運，千祈唔好踎到你頭暈。
       黐塘虫尾
         黐塘虫尾，塘虫尾飛，飛到菜田基，
         田基有條蛇，嚇親你兩仔爺。
排排坐
         排排坐，吃菓菓，豬拉柴，狗燒火，
         貓衣擔櫈畀姑婆坐，
         坐爛個屎窟，唔好賴我，
         賴番隔籬個二叔婆 。
       曖姑乖
         曖姑乖，曖姑乖，曖大姑乖嫁後街，
         後街有鮮魚鮮肉賣，又有鮮花戴，
         戴唔晒，擺落牀頭畀老鼠拉，
         拉拉拉，拉去大新街，
         大新街又有個扯皮鞋，扯下開，又扯下埋。

伏匿匿
         一就預備，二就匿埋，
         三就開盤，四就嚟到，
         嘭到算數。
       點指兵兵
         點指兵兵，點着誰人做大兵，
         點指賊賊，點着誰人做大賊。

落雨溦溦
         落雨溦溦，水浸田基，
         田基有條蛇，嚇親大老爺，
         老爺有支槍，打親纏腳娘。
       從前有座山
         從前有座山，山上有座廟，
         廟裏有個和尙喺度講古仔。
         佢講咩古仔呢？ 從前有座山……
搖搖搖
         搖搖搖，趕水過沙橋，
         沙橋有螺執，搵眼針嚟挑，
         細路哥唔要，畀隻大香蕉
         引到BB哈哈笑。
       搖搖搖
         搖搖搖，趕水過沙橋，
         沙橋窄，砸爛你個爛屎塔。
大笨象，揸支槍
         大笨象，揸支槍，去打仗，
         打唔贏，返嚟食碗辣椒醬，
         隔籬屋企燒炮仗，問你響唔響，
         唔響掌你兩巴掌。
     騎牛牛
         騎牛牛，牛牛走，
         牛牛向前咪回頭，
         若然回頭就打籮柚。
打波子
         大眼鷄，鹹魚頭，
         你屙尿，唔洗手。
       碌銅仙
         碌銅仙，打銅錢，
         全憑眼界手出變，叮響銅錢畀個仙。
打泥炮
         打泥炮，泥炮響，唔使揸槍上戰場。
       飛麻鷹
         摺紙機，麻鷹飛，
         飛來飛去唔落地，麻鷹有條尾。

踩腳趾
         咚啄，酸姜，你亞嫲，纏腳娘。
       趌跛跛
         趌跛跛，跳跳腳，咚咚咚，上跳下跳似麻雀。

攋尿蝦
         攋尿蝦，煲冬瓜，煮唔熟，賴亞媽。
       肥婆跌落河
         肥婆肥婆跌落河，三隻蚊螆咬肥婆。

撞跛腳
         趌跛跛，跛咗蹄，
         冇米煮，煮泥沙，
         冇屋住，住樓梯，
         樓梯有隻鬼，嚇到你瓹落牀下底。
        頂手掌
         伸長手，頂手掌，
         死人都要頂硬上，咿牙崩哨就貓噉樣。
劈友
         劈友，劈友，快啲走，
         走得快，好世界，走得嚤，冇鼻哥。
     鬥遠
         鬥遠掟石頭，因住咪甩手，
         石頭最冇眼，掟親唔好眼淚流。
掟磚頭
         掟磚頭，鬥大嚿，
         一掟掟到西門口，濺起浪花拋浪頭。
       煮飯仔
         煮飯仔仔先落米，風爐透火柴對齊，
         千祈唔好咁拿篩，我哋係細蚊仔。
打馬仔
         一人騎髆馬，兩人騎豬乸，
         三步要埋頭，撞到面就打。
     鬥辣椒
         紅辣椒，綠辣椒，
         平時你牙擦嘴藐藐，今日你冇膽同我撩。
放臭屁
         屁，係肚中之氣，放佢出嚟遊灑天地，
         鬼叫你咁貪心，聞咗我個屁，
         嗍咗入個鼻，我要你賠返二両四。
       沒水底
         沒水底，摸泥沙，
         摸到泥沙當金龜，摸唔到係契弟。

瓹檯底
         陳德貴，住得矮，
         牀下底有隻鬼，嚇到佢瓹檯底。
       肥婆跳舞
         一二三四五六七，肥婆跳舞頂第一，
         跳得高褲頭甩，跳得矮唔好睇。

氵隨滑梯
         細蚊仔，氵隨滑梯，
         殷住跌落嚟，咪學陳德貴，
         成日流鼻涕，跌親個籮柚唔好睇。
     過天梯
         過天梯，蝦矮仔，
         人在雲東過到西，唔怕米貴就最怕矮。
做大戲
         黑面李逵，紅面關公，
         三國水滸亂晒龍，打敗清兵係英雄。
       彈象棋
         打棋子，靠眼屎，
         全憑眼界靠本事，唔好睇錯認嚿屎。

新婦仔
         新婦仔，着紅裙，着咗紅裙拜安人，
         安人屙篤屁，彈到新婦笑微微。
       白欖仔，暗暗香
         白欖仔，暗暗香，大哥買歸亞嫂嚐。
         亞嫂唔嚐，畀過細姑娘，
         姑娘得食隨街唱，果然大嫂惜姑娘。
畫烏龜
         乞兒仔，畫烏龜，
         一人一筆咪亂嚟，最後嗰個人衰仔！
     騎牛牛
         騎牛牛，牛牛走，
         牛牛向前咪回頭，若然回頭就打籮柚。

蘿蔔頭
         蘿蔔頭，點豉油，
         點得多，鹹過頭，
         點得少，淡茂茂。
         佢以爲，好正斗，
         點不知，畀人踢籮柚，
         一踢踢到西門口。
       丫蟬喊
         丫蟬喊，荔枝熟，
         亞婆喊，買豬肉，
         大人喊，畀滾水淥，
         細蚊仔喊，畀米昇焗。

路好行
         行，行，行，行到街邊執個橙。
         橙好食，路好行。
     賣懶
         賣懶，賣懶，賣到年卅晚，
         人懶我唔懶。

豬頭丙
         豬頭丙，扮老醒，其實唔値個斗令。
     肥腯腯
         肥腯腯，買嚿豬肉去拜神，
         行到半路屎窟痕，返到屋企冇晒人。

XXX個頭
         XXX個頭，大過五層樓，
         XXX隻手， 細過荷蘭豆，
         XXX嘅屎窟屙豆豆。
       以爲佢好醒
         以爲佢好醒，原來係個豬頭丙，
         以爲佢好Fit，原來係個大水瀄。
男人頭
         男人頭，女屎窟，男廁女廁都入得。
     阿彌陀佛
         阿彌陀佛，食屎屙欖核。

XXX，揸飛機
         XXX，揸飛機，飛機失事撞玻璃，
         返到屋企唔忿氣，一腳踢爛部收音機。
       又喊又笑
         又喊又笑，烏蠅打醮，蠄蟧攋尿，
         老鼠過橋，貓衣偷笑。

XXX同志
         XXX同志，勇敢又機智，
         揸住個滅火筒，衝入女廁，
         人哋問佢幾多次，佢話一次，
         人哋話唔止，佢話一萬次。
  
       XXX，衝入女廁所
         XXX，衝入女廁所，畀人捉住咗，
         查佢戶口簿，原來鹹濕佬，
         查佢身份證，原來反革命。

橡草

鄧允根

回复 62桃李 的帖子

　　支辰代碼，年代久遠矣，網上資料甚至今時書本寫錯字不奇怪，蒙童時，
我們要背多種行會數字碼，珠算口訣，背三本紅皮書，背四書，所以還記得一
些“四舊”的東西，支辰碼正確的應該是：

１支　２辰　３斗　４蘇　５馬　６令　７候　８庄　９彎　１０響

62桃李

回复 鄧允根 的帖子

支辰碼正確的應該是：

１支　２辰　３斗　４蘇　５馬　６令　７候　８庄　９彎　１０響

受教了，谢谢！！！

62桃李

黑衣 发表于 2012-1-16 21:30
...勾鼻佬，正死仔，
         一入廣東亂咁嚟，殺人放火以爲威。
         點不知，有嘢睇，遇着陳棠就飛石仔，
         打到佢爬喺地下要食泥。
...

陈棠是三元里人民抗英斗争的英雄。道光二十一年四月初，英军在缯步登陆，占据了广州城北的四方炮台并进而侵入丝织工人居住区附近的西村一带进行骚扰抢劫。陈棠等丝织工人即在这里阻击英军，将侵略者赶走。三元里等村农民在抗英斗争爆发后，曾特地用红帖柬请丝业机行工人支援，号召大家团结一道共同抗击侵略军。当时丝织工人出动了一千多人，他们手持先师庙的七星旗勇往直前，“舞起刀枪棍棒，又冲又杀，杀死了很多红毛鬼，杀到(得)红毛鬼叩头求饶。”  陈棠参加了这些战斗。他很能干，作战很勇敢，在三元里抗英斗争中打“番鬼”后，到咸丰四年红巾军(或称红兵)起义后又参加了反清起义。
但是由于劳动人民在当时的封建压迫下处于无权的低下地位，也由于缺少文化，他们没有留下什么文献记载，封建文人们又多鄙视劳动者，不曾为他们立传，他们英勇抗英功勋长期湮没不彰。

                链接：

陈棠_鸦片战争时期_广州英列网

如梦令

黑衣 发表于 2012-1-16 21:30
从网上转几只广东话童谣，都几得意噶：
[转]曾幾何時，我哋都係伴随住通俗易懂、幽默詼諧嘅童謠，連同簡單 ...

      直情系大全啊。不过好多都唔识，唱得最多就系“月光光”、“点虫虫”、“落雨大”、“从前有做座山”。

如梦令

回复 鄧允根 的帖子

鄧允根  大哥保護得最多的是美夢。


美梦系我？咁我咪要改过个网名做“黄粱美梦”？

如梦令

鄧允根 发表于 2012-1-17 03:03
回复 62桃李 的帖子

　　支辰代碼，年代久遠矣，網上資料甚至今時書本寫錯字不奇怪，蒙童時，

点解我完全唔识呢啲系乜？

62桃李

咁就要向邓大哥多学几招呀！

62桃李

回复 62桃李 的帖子

网上找到：

"豬ㄛ唇ㄛ鬥ㄛ需ㄛ馬ㄛ零ㄛ猴ㄛ裝ㄛ灣ㄛ響"      稱爲☆之辰代碼