广州市第一中学校友会论坛

标题: 宮心計，死路一條 [打印本页]

作者: yukokcho 时间: 2012-2-6 13:47 标题: 宮心計，死路一條

我很喜歡一位財經才子的有見地的文章,把其中一二給大家借鏡:

發達唔一定要買股票。
現代社會，分工合作。每個人之所以有糧出，有錢賺，是因為對其他人有影響力(impact)，令人心甘情願付鈔，換取服務或產品。所以發達的窮門，是要impact好多人，又或者impact好有錢人。
要impact好多人，最正路是做明星，尤其祖國娛樂事業開放之後，一齣戲票房隨時億億聲，明星身價自然水漲船高，樣好或者唱歌勁，不妨參加港姐港男或者超級巨聲。
有文采的話，就可以寫書，學唔到哈利波特或者達文西密碼橫掃地球，整本 “那些年” 稱霸中港台，都一樣夠發達。
做明星或者寫書，都是門檻高而成功率超低，背後付出的時間和努力亦不是常人可以想像。做生意都係一個方法，不過做生意一樣係失敗率超高，加上可行的生意已經愈來愈少，需要很強的洞察力，看出市場的空間。對唔住，開一間花店或者車仔麵並唔係生意，極其量只稱得上為自僱人士，所謂生意係要有scale。無天賦本錢，又唔夠薑做生意，好多人就只有靠花盡心機impact自己上司，陷入宮心計的困局，成世人淨係顧住討好皇上。可惜個皇上可能只係一個部門經理，人工得幾皮，皇上無能，試問又點能夠發達。除非你個皇上就算唔係誠哥，四叔，Bill Gates，都要有番咁上下。
投資市場其實係買賣impact的地方，通過買一隻公司股票，放大自己impact。例如買大家樂，即刻impact華南地區幾千萬人，買apple，就impact全地球幾十億人。

欢迎光临广州市第一中学校友会论坛 (http://www.gzyzxyh.com/)